#IAmNewOrleans: Konvèsasyon ak aksyon ki enspiran

Nan fen lane 2019 la, benefisyè Fondasyon Kellogg nan New Orleans yo te pale avèk nou devan kamera sou travay kolektif yo pou kreye yon vil ki santre sou timoun. Kèk mwa apre, pandemi an frape, sa ki te agrave inegalite ke timoun, fanmi ak kominote nan New Orleans yo t ap konfwonte. Nou te chita avèk patnè nou yo – fwa sa a sou Zoom – pou mande kijan koleksyon istwa nou yo ta ka sipòte kominote a pandan mwa sa yo ke nou pa t janm viv anvan – jodi a sa fè prèske de (2) lane apre. Sa ki soti nan sa se Mwen Se New Orleans, yon kanpay ke kominote a mennen pou diskite sou pwoblèm lokal ekite rasyal la. Pandan gen yon platfòm vityèl ki pataje istwa sa yo sou New Orleans pou alimante kanpay la, kanpay sa a te kreye espas pou manm kominote a ka fè konvèsasyon ki reyèl – epi pafwa difisil – sou inegalite ki genyen nan sistèm yo ki gen enpak sou timoun yo ak fanmi yo plis: aksè ak manje ki bon pou sante, edikasyon timoun piti, sipò pou alètman, sipò pou ti antrepriz ak devlòpman mendèv, pami lòt ankò.