Ekite resous nan edikasyon: Asire nou tout elèv yo gen sa yo bezwen pou yo reyisi

Tout timoun bezwen jwenn bon jan kalite edikasyon pou yo ka gen bonjan opòtinite pou aprann nan lekòl e pou yo pwospere. Poutan, lekòl leta Ameriken ki sèvi elèv ki gen po fonse yo, elèv k ap viv nan kay ki gen revni fèb ak elèv k ap aprann Anglè yo twò souvan resevwa finansman ki pa apwopriye epi bay elèv yo travay kou ki pa solid; materyèl ansèyman ak lokal ki pa bon kalite; pwogram ak pwofesè ki pa reflete  eksperyans ak kilti elèv yo; ak aksè inegal ak pwofesè ki vrèman efikas.

Se la nosyon ekite nan resous edikasyon an vin enpòtan. Rive jwenn ekite resous nan domèn edikasyon vle di asire nou tout elèv, kèlkeswa pase yo oswa kote yo abite, gen aksè ak resous ak sipò yo bezwen nan lekòl la pou pwospere nan domèn akademik ak pèsonèl.
Ekite nan resous se alafwa konbyen finansman lekòl piblik yo resevwa ak fason finansman sa a distribiye dapre bezwen elèv yo ki koresponnak metòd finansman lekòl eta ak lokal yo.

Yon baz rechèch enpòtan k ap grandi montre tou de bagay sa yo sou finansman gen enpak nan yon seri fason diferan. Pa egzanp, yon ogmantasyon 10% depans pou chak elèv pandan tout 12 an edikasyon pou elèv k ap viv nan povrete lakoz yon diminisyon  6.8% nan konsekans anyèl povrete pou moun ki majè ak yon ogmantasyon 9.5% nan pi gwo salè apre lekòl segondè.

Men, nosyon sa a nan ekite resous edikasyon an ale pi lwen pase finansman. Li vle di asire nou lekòl yo gen bon konbinezon resous finansye, imen ak pwogramasyon pou kreye bon jan kalite eksperyans aprantisaj chak jou pou chak elèv epi reponn ak bezwen aprantisaj ki pi ijan pou chak timoun ki lekòl.

Alliance for Resource Equity idantifye 10 dimansyon ekite resous onivo rechèch ki fèt e tabli kòm yon bagay esansyèl pou ede tout elèv reyisi lekòl epi pwospere:

• Finansman: Finansman lekòl ki apwopriye e ki distribiye yon fason jis se fondasyon pou bay tout lòt resous ki nesesè yo. Lekòl k ap sèvi elèv ki gen gwo bezwen plis finansman pou reponn ak lòt bezwen aprantisaj elèv yo.
• Kalite ansèyman ak divèsite:Tout elèv bezwen jwenn pwofesè ki efikas, ki gen eksperyans ki reflete divèsite rasyal, etnik ak lengwistik popilasyon elèv la.
• Kalite ak divèsite direksyon lekòl la: Chak elèv bezwen direksyon lekòl solid ki reflete divèsite rasyal ak lengwistik elèv yo.
• Klas ki gen divèsite:Tout elèv yo ka benefisye nan domèn akademik, sosyal-emosyonèl ak sivik lè yo nan lekòl ak klas ki divès nan domèn rasyal/etnik ak sosyoekonomik.
• Kontni ki bay pouvwa e ki solid: Tout elèv bezwen jwenn kontni akademik ak enstriksyon ki solid, ki angaje e ki adapte ak kilti.
• Bon kalite aprantisaj pou timoun piti: Tout timoun bezwen aksè ak bon jan kalite edikasyon pou timoun piti ki mete yon fondasyon pou siksè akademik alavni.
• Anbyans lekòl pozitif e ki akeyan:Lekòl yo dwe yon anviwonman ki an sekirite epi ki bay sipò pou chak elèv, avèk règ ak règleman ki jis, relasyon pozitif ak anplwaye, ak angajman fanmi ki gen sans.
• Sipò ak entèvansyon elèv: Chak elèv bezwen jwenn tan ansèyman bon jan kalite ak lòt apwòch ki baze sou prèv yo bezwen pou atenn nivo ki wo epi pwospere.
• Tan ansèyman ak atansyon:Tout elèv bezwen ase tan aprantisaj, gwosè klas     apwopriye ak atansyon ansèyman pèsonalize nan men pwofesè yo.
• Etablisman ki pare pou aprantisaj: Tout elèv yo bezwen ale lekòl ki nan etablisman ki an sekirite, ki gen bon antretyen ak ekipman ajou ki fonksyone.

Pou w li plis sou rezon ki fè chak dimansyon sa yo enpòtan, ale sou «The Education Combination: 10 dimansyon ekite resous edikasyon      pou louvri opòtinite      pou chak elèv», Alliance for Resource Equity.

Istwa Done Alliance for Resource Equity bay yon imaj ki pi konplè sou fason 10 resous sa yo konekte ak fason fè chanjman resous kle nan nivo lekòl la, distri ak sistèm eta yo ka mennen nan eksperyans ak rezilta aprantisaj elèv ki pi ekitab.

Nan moman an, anviwon 90% elèv K-12 Ozetazini—apeprè 49 milyon elèv—ale nan yon lekòl piblik nan sistèm lekòl leta yo. Dènye rezilta sou Evalyasyon Nasyonal Pwogrè Edikasyon an (ki rele souvan kanè nasyon an) montre apeprè yon tyè nan elèv yo fè nòt «enferyè nivo debaz» nan lekti ak matematik epi yo montre diferans ki genyen ant elèv ki fè nòt ki wo ak elèv ki fè nòt ki ba      yo ap ogmante, souvan sou baz ras. Gwo diferans nan akonplisman sou pakèt lòt dispozisyon rezilta yo kontinye egziste pami elèv yo selon sitiyasyon sosyoekonomik ak ras atravè eta yo. Se pa yon aza ki fè, jan rapò anyèl Making the GradeEducation Law Center a te ede nan dokimante sa a pandan plizyè ane, anpil eta te kontinye finanse sistèm lekòl piblik K-12 yo nan yon nivo ki pa apwopriye pou kouvri depans pou bay yon edikasyon ki solid, bon jan kalite ki pral pèmèt chak elèv ki ale nan lekòl leta yo reyisi nan lekòl la ak pwospere nan lavi yo.

Avansman ekite onivo resous nan domèn edikasyon atravè 10 dimansyon sa yo esansyèl pou kreye sistèm lekòl piblik nan tout 50 eta kote ras yon elèv, revni fanmi oswa kòd postal pa predi rezilta edikasyon yo ankò. Lè yo konsantre sou dimansyon sa yo, edikatè yo, lidè lekòl yo, elèv yo, paran yo, moun k ap fè politik yo, manm kominote yo ak defansè yo ka travay pou asire yo sistèm lekòl piblik yo ak plizyè milyon elèv yo sèvi yo gen sa yo bezwen pou yo reyisi, nan klas la ak nan lavi yo.

Gen anpil travay ki rete pou fèt pou sistèm lekòl leta ak lekòl leta yo nan chak nan 50 eta yo pou rive atenn vrè potansyèl yo kòm Gran Egalizatè. Bon nouvèl la sèke efò k ap bay rezilta pou avanse ekite nan resous yo ap fèt nan peyi a. Soti nan refòm fason finansman lekòl fèt nan nivo eta a rive nan pwojè distri yo dirije pou amelyore divèsite pwofesè yo ak anbyans lekòl la rive nan efò òganizasyon kominotè yo dirije pou fòme pwogram ki adapte nan domèn kilti, moun ki gen enterè yo ap reyini ansanm pou chanje fason nou bay lekòl nou yo resous.

Rete branche pou dènye enfòmasyon sou travay ki gen enpak sa a k ap fè avanse ekite nan resous nan domèn edikasyon nan lekòl piblik yo ak sistèm lekòl yo pou reponn ak bezwen aprantisaj elèv yo epi pèmèt elèv yo pwospere.